Pwede Ba?
PWEDE BA?
(An Anagram of Sadness)
~ Jezreel Madsa
(An Anagram of Sadness)
~ Jezreel Madsa
Pwede ba
pwede ba'ng bay'ran ko
sa usa ka KUMKOM nga balas
ang imong MUKMOK nga kadagatan?
Oh, sultihi ko kung pwede ba!
Aron ang matag hampak
sa matag LABOD sa
imong mga BALOD
muhandom sa pagduaw—
diha sa GAUNANG
NAUGANG baybayon
kong mamingaw.
Pwede ba, oh sultihi ko,
kung pwede ba . . .
pwede bang sa pagSANGKA
i-ANGKAS man lang diha
sa kapay sa kahanginan—
ang matag grano sa BAYBAY
nga gi-YABYAB
gikan sa lunsay'ng
pangpang sa maLAPAD kong
mga PALAD.
aron sa paghalok nila sa
nahikaTULOG mong LUGOT
nga katubigan
MATABI mo ug MABATI
ang BUG-AT nga TUBAG sa GUBAT
nga ilang giSUGId
diha sa pag-USIG sa kahanginan.
Comments
Post a Comment